Ad-adalen ti Department of Agriculture ti panagaramat iti pondo manipud iti Quick Response Fund tapno makagatang iti ganagan.
Aminado ti DA a ngumina ti presio ti ganagan kabayatan nga umadani ti wet season.
Segun ken ni DA Assistant Secretary Arnel de Mesa, sakbay ti riribuk idiay Ukraine ket umabot laeng iti P1,500 ti urea ken complete fertilizer, ngem ita ket umabot iti P2,500 agingga P2,800 ti presio.
Kabayatanna, ngimmina ti presio ti bagas iti P3 agingga P5 ngem agtaltalinaed latta nga stable ti suplay gapu ta nasurok 80 percent ti bagas ti pagilian ket maang-angkat.
Impasigurado ti DA nga agtultuloy nga imonitorda ti presio ken simsimpaendan dagiti addang tapno mapagtalinaed a nalaka ti agrikultura ken masigurado ti food security iti pagilian.
