Mabalin a bumaba iti agingga 700,000 metriko tonelada ti produksion ti irik gapu iti manamnama nga epekto ti El Niño, segun iti Department of Agriculture (DA).
Nasapsapa a maisaysayangkat dagiti addang kas ti panangkita kadagiti drought-prone areas, fertilizer ken fuel assistance, ken panangipaay iti drought-resistant seeds.
Kabayatanna, pinasingkedan ti PAGASA a mabalin a pumigsa ti El Niño iti nagbaetan ti Setyembre ken Disyembre 2026 ken mangitunda iti basbassit a tudo ken tikag kadagiti sumagmamano a paset ti pagilian.
Agtultuloy pay ti rice importation tapno agtalinaed ti umdas a suplay ken makatulong tapno maliklikan ti bigla a panagpangina ti presio.
Umabot iti 3.89 milion MT ti rice import agingga Setyembre 17, nangatngato ngem iti 3.38 milion MT idi 2025.
