Naikeddeng a sumango iti Office of the Ombudsman para iti preliminary of investigation ni Curlee Discaya mainaig iti agtultuloy nga imbestigasion ti flood control project idiay Davao Occidental.
Impaganetget daytoy ni Assistant Ombudsman Mico Clavano mainaig dagiti affidavits nga iggem da manipud kadagiti makaammo ti operasion ti kompania da Discaya a maibagbaga a ni Curlee ti akin-kukua ken adda kontrol iti St. Timothy Construction Corporation a karaman iti ghost flood control project idiay Davao Occidental.
Ti Department of Public Works and Highways ket nag—request iti Office of the Ombudsman nga iraman kadagiti high profile ni Curlee iti maisaysayangkat nga imbestigasion mainaig iti kaso.
Kabayatanna, ni Sara Discaya ket agdama a nakabalud idiay Lapu-Lapu Cebu gapu ti kaso a malversation mainaig iti P96.5 milyon a ghost flood control project idiay Davao Occidental.
