VIGAN CITY – Nagbalin a pigsa ni Reignielle Tinaza a maysa kadagiti nakapasa iti Medical Technologist Licensure Exam iti suportar ti pamiliana ken ti nasursurona iti College of Health Sciences iti University of Northern Philippines tapno maipasa iti kalkalpas nga exam ita a bulan.
Iti pannaki-uman ti Bombo Radyo Vigan ken ni Tinaza, iti uneg ti uppat a bulan a review-da ket nakasursuro isuna nga agbalin a natibker ken babaen ti awan sarday a suportar ti pamiliana ket kinabaelanna.
Segun ken ni Tinaza, idi pay laeng agad-adal ket addan dagiti insuro iti College-da a nakatulong iti eksaminasyonda.
Inamin ni Tinaza nga uray adda iti saksakitenna sakbay iti exam ket saan a nagbalin a karit kenkuana tapno lalaingenna pay ken tapno makapasa.
Kas maysa a cum laude graduate, pressure kenkuana iti exam isu nga inggagaedna pay ket nagtalek isuna iti Namarsua ta inaramidna amin a kabaelanna.
VC – REIGNIELLE TINAZA 1
Kabayatanna, pinatibker ni Reign ti rikna dagiti kaadalanna a saan a nakapasa babaen ti panagbalakadna nga adda iti plano ti Namarsua kadakuada ket natalek a makapasadanto inton madanon ti husto a panawen.
VC – REIGNIELLE TINAZA 2
