Naituding a mapasamak ti culmination program ti Linggo ng Kabataan 2024 ti Pambayang Pederasyon ng Sangguniang Kabataan ti Narvacan inton bigat.
Ti Laro ng Lahi ken Real-time Photography Contest ket mapasamak idiay Narvacan Farmers Market inton bigat, iti alas otso iti agsapa.
Iti pannaki-uman ti Bombo Radyo ken ni Pamela Gasmen, dagiti makipaset kadagiti kompetisyon ket mabalinda ti agrehistro babaen iti Sangguniang Kabataan Council kadagiti barangayda wenno agmensahe iti PPSK Council.
Ti met Got Talent competition ket maisayangkat inton Agosto 25 iti alas sais iti rabii iti Municipal Covered Court.
Bigbigen ni Gasmen ti kapateg ti kaadda ti Laro ng Lahi tapno saan a malipatan dagiti tradisyonal nga ay-ayam dagiti Pilipino ken kayatda a mapadas met dagiti agtutubo.
Agtultuloy pay laeng met ti mapaspasamak a panagparehistro.
