VIGAN CITY – Naballaigi iti pannakaisayangkat iti Children’s Month Celebration ditoy probinsya nga inatendaran dagiti opisyales, mangisursuro ken dagiti agad-adal idiay Baluarte, Brgy. Salindeg, Vigan City.
Kagiddan iti nasao a selebrasyon ket naikkan iti pammadayaw dagiti mayor ti nadumaduma a munisipalidad ken siyudad a nabigbig kas Child Friendly Municipality wennu City kasta pay iti probinsya a nabigbig kas child friendly province.
Segun kenni Governor Ryan Singson, kasapolan a salakniban dagiti ubbing kontra iti panagabuso ken kiniddaw na iti panagkaykaysa ken panagpapigsa dagiti ahensya ken institusyon pribado man wenno public a mangpapigsa iti akem da para kadagiti.
Innayon ni Singson nga agserbi kuma dagitoy a pammalagip kadagiti amin tattao iti karbengan dagiti ubbing ken agbalin da a responsible a nagannak.
Kabayatanna, a kas paset pay laeng ti Childrens Month Celebration ditoy probinsya, balligi a naileppas met laeng idi kalman ti pasalip a vocal solo ken draw and tell a nakipagpasetan dagiti ubbing manipod ti naduma duma a child development center ditoy probinsya.
Pakabuklan a duwa pulo ket lima nga ubbing iti naduma duma a katergorya iti nagbibinnalubal a nangirepresentar ti ili da.
Ti resulta ti vocal solo naiyawid ti child development center iti ili ti burgos iti kampyonato a sinaruno ti child development center ti san esteban ken maikatlo a pwesto ti sta. lucia development center.
Ti resulta ti draw and tell no sadino naikkan iti gundway dagiti ubbing nga agdrawing basar iti thema ita a tawen ket naiyawid ti Santiago Development Center iti pannangabak 2nd place ti Bantay Development Center ken 3rd place ti Lidlidda Development Center.
