Idiaya ti Croatia ti 3,500 a trabaho iti hotel industry kadagiti Pilipino a mangmangged iti government-to-government deal kadua iti Pilipinas.
Segun ken ni Patricia Yvonne “Py” Caunan nga Undersecretary for policy and international cooperation iti Department of Migrant Workers, ti 3,500 openings ket pakairamanan iti housekeeping, front of the house, restaurants ken dadduma pay a trabaho iti tourism industry.
Ti sueldo ket manipod 800 euro wenno 50,000 pesos agingga 2,500 euros wenno 156,000 pesos depende iti posisyon idinto a ti accommodations ket libre para kadagiti maala.
Dagiti mangmangged a maala ket dumalan ti training apaman a makadanonda idiay Croatia.
Awan ti age requirements para kadagiti mangmangged ta ipangruna dagiti Croatians iti kapadasan ngem kitaenda ti physical fitness iti hotels ken resorts.
