Nakaaramid ti pakasaritaan ti football legend Cristiano Ronaldo kalpasan nga indauloan na ti 5-0 win ti Portugal kontra ti Uzbekistan.
Bimmawi ti Portugal kalpasan ti immuna a labanda a nagresulta iti draw.
Iti panagserrek pay laeng ti maika-innem a minutos ti laban, dagus a nakaiserrek ti maysa a goal ni Ronaldo kalpasan ti maysa a cutback cross manipud ken ni João Cancelo.
Iti maika-tallopulo ket siam a minutos, bimmida manen ti naawagan a CR7 kalpasan ti maysa a perfect mass manipud ken ni Bruno Fernandes ket naiserrek ni Ronaldo ti maikadua a goal.
Gapu iti dua a goal, nairekord ni Ronaldo ti baro a pakasaritaan nga isunan ti kaunaan a lalaki nga atleta a nakairekord ti goal iti innem nga agduduma nga edisyon ti World Cup.
Lineppas met ti ay-ayam da Nuno Mendes babaen ti maysa a napintas a free kick, karaman dagiti ambag da Diogo Jota ken Rafa Leão.
Makasango ti Portugal ti maysa a nadagsen a kalaban a Colombia tapno makita no sino ti mangidaulo iti Group K.
