VIGAN CITY – Immadu ti Crime rate iti pagilian iti Nigeria iti kangitingitan iti Lockdwn gapu iti covid19.
Segun ken ni Bombo International Correspondent Isaac Alex a taga-Lagos, Nigeria, panagtakawan ti kangrunaan a mapaspasamak iti nasao a pagilian ta adda pay ti grupo dagiti agtatakaw a naawagan a “One Million Boys” ket mapapati a ti nasao a grupo ket napanunotanda ti agtakaw gapu iti awanen a kuarta a paggatangda kadagiti masapul.
No pay kasta ket impasigurado ti Nigerian government a nainget dagiti naipatungpal a pagannurutan kagiddan iti naiyatiddug a lockdown uray pay no adu dagiti saan nga umanamong ken adun dagiti agprotprotesta.
Kabayatanna, pinasingkedan pay ni Alex nga adda met ti maaw-awat a tulong dagiti agindeg manipd iti gobierno iti Nigeria ken adda met dagiti nadumaduma a grupo a tumultulon latta kadagiti naapektaran iti COVID19.
