--Ads--
Vigan City – Mamati ni Police Major Marcelo Martinez, mangidaulo ti Police Community Relations ti Ilocos Sur Police Provincial Office a nasayaat iti epekto ti COVID- 19 pandemic nu kadagiti krimen a mapaspasamak iti mapagpapatangan ta gapu ti nasao a virus, bimmaba ti crime rate ditoy probinsiya.
Segun ken ni Martinez, bimmaba dagiti krimen a mapaspasamak ditoy Ilocos Sur ta adda iti curfew hours a masursurot ken awanen dagiti adu a lugan kadagiti kalsada isu a naliklikan dagiti aksidente.
Nu pay kasta, adu latta met dagiti aglablabsing iti anti-illegal gambling law ta manipud idi naipatungpal ti enhanced community quarantine, tallo nga operasyon inaig iti iligal a panagsugal iti insayangkat da a nakakemmegan dagiti sangagasut a tattao.
