VIGAN CITY – Mangrugi inton bigat, February 14 ket maikkaten ti Covid19 testing requirements para kadagiti fully vaccinated, asymptomatic residents, tourist ken authorized persons outside residence a sumrek iti probinsia ti Ilocos Norte.
Dagiti unvaccinated wenno partially vaccinated a residente, turista ken APOR ket masapul nga agipasa wenno dumalan iti Covid19 testing malaksid laeng no adda valid exemption-da kas ti medical clearance nga inted ti Provincial, City, wenno Municipal Health Office.
Saanen a kasapulan a dumalan iti testing dagiti unvaccinated a menor de edad ken turista nga agtawen iti sangapulo ket dua agpababa no la ket fully vaccinated ti nagannak wenno dagiti kakuyogda.
Ag-self monitor dagiti sumrek ta saandan a dumalan pay iti quarantine ngem no adda marikriknada a sintomas iti Covid19 ket masapul nga ipakaammoda iti Local Government Unit.
