VIGAN CITY – Nagpanawagan ni Senador Risa Hontiveros iti Department of Health, Philippine Coast Guard ken ti Overseas Workers Welfare Administration a padarasen iti panang-validate kadagiti test result dagiti OFW a naka-quarantine kadagiti pasilidad.
Iti esklusibo a pannaki-uman ti Bombo Radyo Vigan kenni Hontiveros, dakkel a sakripisyo para kadagiti OFW nga agtalinaed iti nabayag kadagiti pasilidad ta maibus payen iti urnongda ken saandan a makaawid kadagiti pamiliada tatta a tiempo ti COVID19 crisis.
Ingunamgunam ni Hontiveros a saan nga usto a dagiti Chinese ket uppat nga aldaw laeng nga urayenda dagiti test result a dimmalananda ngem no dagiti Pilipino ket umabot pay iti mano a bulan sakbay a maawatda.
Kabayatanna, kayat pay ti senador a mapadaras ti pannakaipila ti kaso kadagiti mangimatmaton kadagiti dadduma a pasilidad a saan a maipakpakaammo kadakuada.
