Covid19 mass testing iti ili ti Sta. Lucia, balligi

VIGAN CITY – Balligi ti mass testing iti ili ti Sta. Lucia agsipud ta iti 1^st batch dagiti na-test idi April 16 ket 280 dagiti negatibo, 287 iti 2^nd batch idi April 20 ken 64 ti third batch idi April 23.

Ti pannakaaramid ti mass testing ket tapno makita ti kasasaad dagiti tattao nga adda iti high risk area iti nasao nga ili gapu ti Covid19 ken babaen ti  panangidaulo ni Sta. Lucia Mayor Joseph Simon Valdez ken ni Provincial Health Officer Carmeliza Singson.

Nupay kasta, namnamaenda a negatibo met la amin ti resulta dagiti naswab-test a taga-Sta. Lucia idi April 28.

Kanayon ti panangipalagip dagiti opisial ti nasao nga ili a sumurot dagiti kalugaranda kadagiti aniaman a mayulog a pagannurotan kontra Covid19 tapno saanda a makaptan.