--Ads--
VIGAN CITY – Sangapulo ket maysa ti nainayon a kaso ti COVID19 ti probinsia ket tallo iti nairekord a pimmusay.
Maibasar ti naiparruar a datos manipod ti Ilocos Sur COVID19 Task Force, lima a kaso manipod ti Vigan City pakairamanan ti maysa a pimmusay, dua ti ili ti Bantay pakairamanan ti maysa a pimmusay, saggaysa a kaso idiay Tagudin, Alilem ken iti maysa a pimmusay ti Nagbukel.
Iti agdama addan ti pakabuklan a walo gasut siam a pulo ket pito dagiti aktibo a kaso ken tallo pulo ket tallo dagiti nalainganen.
Umabot metten innem a ribo duagasut uppat a pulo iti kumpirmado a kaso ti virus manipod nangrugi iti pandemia.
-- ADVERTISEMENT --
Agtultuloy ti palagip ti gobierno probinsia kadagiti umili a sumurot kadagiti maipapatungpal a health protocol.
