Rimmuaren iti resulta ti COVID 19 Test iti lalaki nga agnaed iti Brgy. San Vicente, Magsingal ken dagiti dadduma pay a Person Under Investigation ditoy probinsya.
Basar ti pakammu manipod kenni Governor Ryan Singson, innem a resulta iti naipaima kadakuada ket amin dagitoy ket negative iti nasao a virus pakairamanan ti Highly Probable Case manipod ili ti magsingal.
Tatta nga aldaw maikkaten ti naiyetnag a lockdown ti Brgy. San Vicente ngem obserbaren dagiti agindeg iti Strict Home Quarantine ngem mabalinda a rummuar tapno laeng gumatang dagiti kasapulanda ken iti pannaka- monitor iti salun-atda kangrunaan dagiti agsakit.
Dumalan iti sabali pay a 14 day quarantine ti pasyente kalpasan a nag-negative ti COVID 19.
Karaman a nagnegative ti duwa a PUI ti ili ti Bantay, maysa idiay Cabugao, maysa ti Candon ken maysa idiay ili ti Santa
Kiniddaw ti gobernador nga agtalinaed iti uneg iti pagtaengan ken dumngeg kadagiti eksperto ti salun-at.
