VIGAN CITY – Umaboten iti sangapulo ket pito iti pimmusay gapu iti covid-19 iti Ilocos Surta nanayunan iti innem manipod iti nairekord a 1099.
Maibasar iti pakaammo ni Gov. Ryan Singson, ti maika-sangapulo a natay gapu ti covid19 ket ni IS-C985 a lalaki, agtawen ti pitopulo ket pito nga agnaed ti Brgy Teppeng Sinait a naospital idi Abril 19 iti Ilocos Sur Provincial Hospital Gabriel Silang ta marigatan nga umanges ket pimmusay idi Abril 19 ken adda iti final diagnosis na nga Acute Respiratory Failure, Pneumonia, ken highrisk, covid19 ken kritikal.
Ti maika-sangapulo ket tallo ket ni IS- 927, lalaki nga agtawen ti pitopulo ket dua a taga Brgy-Bonifacio, Cabugao. Awan narikna na a sintomas ngem nai-admit idi Abril disi-sais idiay Ilocos Sur provincial Hospital Gabriela Silang Satellite 2. Natay di Abril bainte kuatro nga adda iti final diagnosis-na a covid19 severe; Acute Respiratory Failure; Acute Coronary Syndrome T2DM.
Ti maika-sangapulo ket uppat ket ni IS-1009, babai nga agtawen ti pitopulo ket innem a taga Brgy. Don Lornezo Querubin, Caoayan a nagkakapsot isu a naitaray idi Abril 24 diay Gabriela Silang Hospital nga awanan anges ken pulsonan ket nagpositibo ti covid idi naidalan ti Rt PCR.
Ti maika-sangapulo ket lima a pimmusay ket ni IS-C405, lalaki nga agtawen 66, agnaed diay Brgy Mira, Bantay. Nagsakit ti karabukobna bayat iti panagtilmonna ken napukaw iti panagramanna. Naadmit idi MArso 16 diay St. Lukes Medical Center ken natay idi Abril 26 gapu iti Respiratory Dustress Syndrome covid19 severe
Ti maika-sangapulo ket innem ket ni IS-C1087, babai , agtawen 81, agnaed diay Brgy Sabang, cabugao. Nagpakonsulta gapu iti panagkapsot ti bagi, pimmusay idi Abril 29 nga adda final diagnosis na a Community Acquired Pneumonia, high risk Septic Shock; hypokalemia; covid19 critical.
Ti maika-sangapulo ket pito ket ni IS-C1099 , babai, agtawen ti 52 a taga Brgy. Calimugtong, Galimuyod, naguyek, nagpanateng, LBM, nagkapsot ti bagina ken narigatan a naganges. Pimmusay idi kalman Mayo 1 nga adda final diagnosis na nga Acute Respiratory Failure secondary to Pulmonary edema; Sepsis Secondary to Otitis Media; Pneumonia, severe; end stage renal disease secondary to Diabetes mellitus, covid19, critical.
Nupay kasta, nagkiddaw ti ama ti probinsia a sumurot latta ti health protocols ti publiko, agaramat ti face mask, face shields ken liklikan ti aguummong.
Kabayatanna, manipod iti 1099 a kaso ket sangapulo ket tallo iti nainayon ket sag tunggal dua iti nainayon manipod Brgy. Sabang, Cabugao ken Nanguneg, Narvacan idinto a saggaysan manipod Brgy. Sabuanan, Sta. Lucia; Zone 3, Bantay; Aluling, Cervantes; Bigbiga, Santiago; Imus, Santiago; San Antonio, Narvacan; Lungog, Narvacan; Dinalaoan, Narvacan ken Calimugtong, Galimuyod.
