VIGAN CITY – Lima manen iti nainayon a baro a kaso iti covid-19 iti Ilocos Sur isu nga umaboten iti duagasut siam a pulo ket dua.
Dagiti uppat a baro a pasyente ket manipod Brgy. San Isidro, Candon City.
Ni IS-C292 ket maysa a lalaki nga agtawen ti tallopulo ket siam, government employee, naguyek, adda iti travel history-na idiay Benguet Province, na-expose iti high risk area ken extensive iti contacts-na.
Maysa a babai nga agtawen ti tallopulo ket uppat ni IS-C293, market vendor, nagsakit ti karabukobna, awan ti travel history-na, saan nga ammo iti exposure-na ngem extensive iti contacts-na.
Agpada met nga estudyante a babbai da IS-C294 ken IS-C295, a nagsakit ti karabukob, awan ti travel history, saan nga ammo ti exposure ken extensive ti nakapulapolda. Agtawen laeng iti sangapulo ket lima ni IS-C294 idinto nga agtawen ti sangapulo ket maysa ni IS-C295.
Maidalan iti EECQ iti critical zone, MECQ iti containment zone ken GCQ iti buffer zone manipod January 30 agingga February 19, 2021.
Kabayatanna, maysa a lalaki nga agtawen ti tallopulo ket innem ni IS-C296 a taga-Tinglayan, Kalinga a detailed idiay Salcedo, APOR ken Uniformed Personnel.
Ti pasyente ket naguyek ken nagkakapsot, adda iti travel historyna idiay Kalinga, high risk area and profession iti exposure-na ken limitado it contacts-na isu a saanen a kasapulan iti community containment tan a-isolate nga insigida.
