VIGAN CITY – Innem a baro a kaso ti covid-19 iti probinsia ti nairekord iti nagpatnag isu nga umaboten ti tallogasut limapulo ket siam.
Agpada nga asymptomatic, lalaki, APOR, national agency examiner nga agnaed idiay brgy. Bayubay Sur, San Vicente da IS-C349 ken IS-C350.
Ni IS-C349 ket agtawen ti tallopulo ket walo, adda iti travel history-na idiay La Union ken Pangasinan, na-expose ken ni IS-C347 ken extensive iti nakapulapolna isu a maisayangkat iti EECQ iti masakupan iti critical zone, MECQ iti containment zone ken GCQ iti buffer zone manipod February 23 agingga March 9.
Ni IS-C350 ket agtawen ti duapulo ket walo, adda iti travel history-na idiay La Union ken Pangasinan, naexpose kada IS-C347 ken IS-C349 ken extensive iti nakapulapolna isu a maidalan iti EECQ iti masakupan iti critical zone, MECQ iti containment zone ken GCQ iti buffer zone manipod February 24 agingga March 10.
Maysa a healthcare worker ni IS-C351, agtawen ti duapulo ket uppat, babai a taga-Brgy. San Ramon, Magsingal, asymptomatic, awan iti travel history-na, high risk profession iti exposure-na ken limitado iti contacts-na.
Agpada nga estudyante da IS-C352 ken IS-C353, babbai nga agtawen ti sangapulo ket maysa ken sangapulo ket uppat, taga-Brgy. Salomague, Cabugao nga asymptomatic, awan iti travel history-da a na-expose ken ni IS-C345 ngem limitado iti contacts-da.
Kabayatanna, agindeg met laeng idiay Brgy. Salomague, Cabugao ni IS-C354, housewife, atawen ti uppat a pulo, asymptomatic, awan iti travel history-na a na-expose met laeng ken ni IS-C345 ngem limitado iti contacts-na.
Nupay kasta ket saanen a kasapulan iti community containment iti lugarda dagiti nasao a pasyente ta insigida a na-isolate dagiti pasyente.
