VIGAN CITY – Nanayunan pay ti sangapulo nga aktibo a kaso ti covid-19 iti probinsia iti Ilocos Sur isu nga umaboten iti sangagasut uppat a pulo ket maysa.
Duapulo ket innem iti nainayon a nalaingan isu nga umaboten ti 22,039 iti total recoveries idinto nga adda ti maysa a pimmusay a gappuanan ti death toll a tallogasut walopulo.
Pakabuklanen a 22,560 iti kaso ti covid-19 iti probinsia manipod nangrugi ti pandemia idi March 2020.
Kaaduan latta iti adda aktibo a kasona ket iti siudad ti Vigan ta nairekord ti tallopulo ket tallo; sinaruno iti ili ti Bantay a sangapulo ket dua; Magsingal a sangapulo; siam iti siudad ti Candon; sag-pito idiay Caoayan ken Narvacan; sag-innem idiay Cervantes, Sto. Domingo ken Tagudin; sag-lima idiay Cabugao ken Santiago; sag-uppat idiay Santa, Sta. Cruz ken Sta. Maria.
Adda pay sag-tallo idiay San Juan, San Vicente, Sinait, Sta. Catalina ken Sta. Lucia; dua idiay San Ildefonso, ken saggaysa idiay Alilem, Burgos, Galimuyod, Quirino, San Emilio, ken Suyo.
