VIGAN CITY – Naballigi ti pannakaisayangkat ti peace covenant babaen ti nagkaykaysa a pwersa ti nadumaduma a pagopisinaan iti probinsia.
Naaramid ti unity walk nga inatendaran dagiti nadumaduma nga opisial a nagpaidasig para inton eleksion ken nakipasetan dagiti chief of police iti probinsia.
Paset ti aktibidad ti panagpermada iti Covenant for Peace para ti 2022 national and local elections dagiti agpaidasig ken adda saggagaysada a kalapati nga impatayab kas simbolo ti panagkaykaysa ken panagkikinnapiada.
Ital-o ti Ilocos Sur Police Provincial Office, Commission on Elections, Armed Forces of the Philippines, Department of the Interior and Local Government ken dagiti stakeholder ti nakapia, napudno, ken naurnos nga eleksyon.
Paspasakbayanda payen ti posible a panagsangpet dagiti nadumaduma a kandidato ditoy probinsia inton umay a lawas para iti panangrugi ti kampanya inton Pebrero 9.
