Dinutokan ni President Ferdinand Marcos Jr. ni Court Administrator Raul Villanueva iti Korte Suprema nga isu ti mangsukat ken ni Associate Justice Mario Lopez a nagretiro idi Hunyo 4.
Tawen 2002 idi nadutokan a judge iti Branch 255 idiay Las Piñas City Regional Trial Court.
Nagbalin nga acting judge ni Villanueva iti Branch 267 iti Taguig City Regional Trial Court ken acting presiding judge iti Branch 4 ti Manila RTC ken executive judge iti Las Piñas City Regional Trial Court.
Idi 2021 ket nagbalin a deputy court administrator ken 2022 idi nagbalin a court administrator.
Nagserbi iti agduduma nga opisina iti gobierno ken tallo a branch iti gobierno.
Nagturpos iti economics degree na idi 1985 ken Bachelor of Laws degree idi 1990 iti University of the Philippines.
