VIGAN CITY – Saan a ninamnama ni Candon City Councilor Joanne Valdez ti pannakapilina kas maysa kadagiti Outstanding Young Men of the Philippines nga inorganisa ti JCI Ph babaen ti suporta ti TOYM Foundation.
Iti pannaki-uman ti Bombo Radyo Vigan ken ni Valdez, saanna a ninamnama ti nasao a pammadayaw gapu ta nalaing dagiti shortlisted.
Innayonna nga uray nominado laeng koma isuna ket dakkel a pakaidayawannan gapu ti kinarigat a makastrek iti nasao a banag.
Inlawlawag ni Valdez a ti prosesona ti nasao a banag ket aginominar ti JCI Local Chapter kadagiti deserving para iti nasao nga award ket iti batch-da, adda ti sangagasut a nominasyon.
Dagiti nominado ket ma-screen pay nga umuna ken mashortlist, a dagiti mabati a sangapulo ket isu ti maikkan iti award.
