VIGAN CITY- Manamnama a dumur-as pay ti Cotabato city inton mabukel ti Bagsamoro Region ta malukatan ti ado nga oppurtunidad ngem nupay kasta ket saan a marikna nga insigida ti epekto na apaman a maipatungpal ti Bangsamoro Organic Law.
Ti pannakiuman ti Bombo Radyo Vigan kenni Amina Rasul Bernardo, presidente ti Philippine Center for Islam and Democracy, ti Bangsamoro Region ket baro a sistema ti gobierno a pag-eksperimentuan ti gobierno iti idurduron da a pederalismo a sistema ti gobierno iti intero a pagilian isu a saan a marikna nga insigida ti resulta na ngem in-inot ti panagbalbaliw ken panagdur-as a marikna ti rehiyon .
Innayonna a saan a kabaelan ti Bangsamoro Region a bangunen ti Marawi City ta agingga ita ket saan pay a narugian uray no idadauluanen ti national government ti rehabilitasyon.
