Addan iti second wave ti Costa Rica iti covid-19 kas pinasingkedan ni Cal Carreon a Presidente iti Filipino Community iti Costa Rica ken maysa a call center agent iti nasao a pagilian a tubo iti Rizal.
Segun kenni Carreon, arigna gangganida na-flatten ti curve idi first wave iti covid-19 iti nasao a pagilian ngem gapu ta saan a malappedan iti pannakanayon iti kaso ket naibayog iti second wave.
No pay kasta ket iti agdama ket saan unay nga ado iti kaso iti pagilianda ta umabot laeng iti siam a gasut walo pulo ket uppat iti aktibo a kaso ket awan iti naapektaran a Pilipino iti nasao a sakit.
Gapu iti dayta, nabaliwan iti restriction inaig iti oras a panagruar dagiti tattao ta mabalinen a rumuar manipod iti alas singko iti bigat agingga iti alas dies iti rabii iti weekdays idinto a ti weekend ket alas singko iti bigat agingga alas syete iti rabii.
Kabayatanna, impakammo ni Carreon a tumultulong latta ti embahada ti pagilian idiay Mexico a sakop iti Costa Rica ta nangipatulodda iti surat a mangipasada laeng iti aplikasyon iti OWWA tapno maikkanda iti tulong pinansyal.
