Pinatganen ni Presidente Ferdinand Marcos Jr ti pannakaited ti one-time gratuity pay nga agingga P7,000 kadagiti mangmangged iti gobierno a job contract wenno contract of service.
Maibasar iti inruar nga statement ti Department of Budget and Management, ti gratuity pay kadagiti qualified JO ken COS nga state workers ket ngimmato iti P7,000 manipud iti dati a P5,000.
Ti gratuity pay ket maited iti salinong ti Administrative Order 28, a mangsakup kadagiti JO ken COS workers manipud iti national government agencies, state universities and colleges, government- owned and -controlled corporations (GOCCs) and local water districts (LWDs) a naka work on-site, ken maibilang nga actual service.
Dagiti nakapagserbin iti uray uppat a bulan ti actual satisfactory performance of service kas nailanad iti kontratada iti December 15 ken dagiti kontratada nga epektibo iti isu met laeng a petsa ket maikkan iti one-time gratuity pay a saan a naad-adu ngem P7,000 tunggal maysa para ita a tawen 2024.
