Nangisayangkat ti coordination meeting ti Quezon City Police District (QCPD) kadua ti Quezon City Department of Public Order and Safety kas panagsagana para iti manamnama a nalawa a rally a maanagay inton Nobyembre 30.
Gagem ti taripnong a siguradoen ti kinatalged, kappia, ken urnos iti intero a lugar ti rally; ken ingato ti kinasagana kadagiti emergency situation ken napardas a panagresponde iti aniaman a kasapulan iti aldaw ti rally.
Impaganetget met ti security briefing tapno mapagtalinaed ti amin nga opisyal ken volunteers ti nalawag a kapanunotan ken konsiderasion kadagiti akem ken responsibilidadda.
Karaman pay iti napagpapatangan ti marshalling briefing, a mangipaay ti pannarabay kadagiti marshall no kasano a mapagtalinaed ti urnos ken seguridad iti uneg ti rally. Augie Arellano
