Dead on arrival ti maysa a construction worker kalpasan ti pannakaidungpar na iti poste ti street light idiay along national highway sakupen ti Barangay Parada, ili ti Sto. Domingo.
Ti biktima a nagmaneho ti Euro motorcycle ket agtawen ti limapulo ket lima, naasawaan ken residente ti Barangay Labut, Magsingal.
Iti pannakiuman ti Bombo Radyo Vigan ken ni PLT. Roger Retreta ti Sto. Domingo Police Station, agpapa-amianan a direksion ti motorsiklo ket idi nadanonna ti nakapasamakan ti insidente ket naawanan ti kontrol ti manibela ti drayber rason ti pannakaidungpar na iti poste ti street light.
Nagsagaba ti biktima ti nakaro a dunor iti paset ti ulo-na a dagus naitaray iti balay pagagasan ngem naideklarar a dead on arrival.
Mapapati a nataray ti motorsiklo ken posible a naka-inom ti biktima ti arak idi napasamak ti insidente.
