Insubli ti contractor a ni Sally Santos nga akin-kukua ti SYMS Construction Trading ti P15 million iti gobierno kas pinasingkedan ti Department of Justice (DOJ).
Segun ken ni DOJ Spokesperson Polo Martinez, paset iti nasao a gatad ti memorandum of agreement iti nagbaetan ti gobierno ken dagiti applicant witnesses maipanggep ti flood control project anomaly nga imimbestigaran iti DOJ.
Kinuna ni Martinez a nadamagna a ti armored vehicles a simmangpet ket addaaan iti nasurok-kumurang P15 million kas paset ti partial restitution ni Sally Santos kas mayataday iti termino iti memorandum of agreement.
Maipalagip a kadagiti panagdenggeg idiay Senado ket inamin ni Santos nga impa-usarna ti lisensyana kadagiti sumagmamano a Department of Public Works and Highways engineer para kadagiti proyekto a kasukat iti tallo a porsiento a paset ti tunggal flood control project a konkontrataen iti SYMS ngem pinaglibakanna nga ammona a maaramat dayta kagiti maanomalya a proyekto.
