Nakasagana ti contingency plan iti pagilian para iti panagbakwit dagiti Pilipino nu bilang kumaru ti tensyon idiay Lebanon.
Segun ken ni Foreign Affairs Undersecretary Eduardo de Vega, inton maibayog iti Alert Level 4 idiay Lebanon ket maipatungpalen ti mandatory evacuation.
Segun ken ni de Vega, maibiahe dagiti Pilipino iti kabaybayan ta agarkila iti gobierno ti barko a mangsukon kadakuada iti pantalan iti northern Lebanon nga agturong idiay Europa.
Mabalin pay a maidalanda idiay Syria a kaasideg iti Lebanon idinto a nakasagana met ti Overseas Workers Welfare Administration (OWWA) nga agipatulod ti rapid response team.
Naallukoy manen ti 11,000 a Pilipino idiay Lebanon a gundawayan ti voluntary repatriation iti gobierno bayat a saan pay a kimmaru iti sitwasyon ken ita a silulukat pay laeng dagiti airport.
