Nagbayaden iti mueltana a P30,000 ti content creator a ni Francis Leo Marcos iti Korte Suprema.
Napaneknekan ti Korte Suprema a guilty ni Marcos iti indirect contempt gapu iti panangsalungasingna iti proseso iti korte.
Nangipila isuna iti petisyon ken kiniddawna iti injuctive relief kalpasan nga indeklarar ti Commission on Elections a nuisance candidate iti panagpaidasigna iti kinasenador iti 2025 elections.
Ngem iti panangiruar ti Supreme Court iti temporary restraining order maipanggep ti pangngeddeng ti Comelec ket imbabawi met laeng ni Marcos iti certificate of candidacy-na.
Gapu iti inaramidna ket narurod ti korte a mangipakita iti panangsalungasingna.
Idi kalman ket nagiruar ti korte iti pangngeddeng ken rimmuar a guilty ni Marcos iti indirect contempt.
