--Ads--
VIGAN CITY – Nasarakan a natay ni Robert Rabata Alay-ay, agtawen iti tallopulo ket walo, construction worker, taga-Barangay Cabittaogan, Sta. Catalina, Ilocos Sur.
Naudi a nakita ti kabsatna daytoy a ni Eugene Alay-ay iti alas singko ti male midi June 27 nga agtugtugaw iti sangwanan ti pagtaenganna.
Alas syete iti rabii iti isu met laeng nga aldaw, ti kabsatna a ni Loreto ken kayongna a ni Richard Tarangco ket nagbalaw idi saanda a nakita a nagmalem ni Robert isu a napanna kinita ket nasarakanda nga awan biagna iti uneg ti kuartona.
Pinasingkedan dagiti kabagyanna nga agsagsagaba iti pneumonia ni Robert ken naconfine idi iti ospital ngem saanna nga intultuloy ti agasna ket nagin-inom iti arak.
-- ADVERTISEMENT --
