--Ads--
Nasarakan a natay ti maysa a lalaki idiay Barangay Oaig Daya, Candon City, Ilocos Sur.
Nabigbig daytoy a ni Eliseo Cabesares Palad, agtawen iti limapulo ket lima, construction worker, taga-Sitio Anaraar, Barangay Calaoa-an, Candon City.
Nakaawat ti Candon City Police Station iti tawag nga adda bangkay iti kamaisan iti nasao a lugar isu a tinurongda ket nadanonanda ti biktima a nakadasay.
Naipaagas iti ospital ngem naideklarar a dead on arrival.
-- ADVERTISEMENT --
Awan ti dunor a makita iti bagina ta ti rason ti nakatayanna ket traumatic brain injury.
Segun iti putotna a ni Mark Alvin Palad, agsagsagaba ti biktima iti angkit.
