--Ads--
VIGAN CITY- Manarimaan iti imbestigasyon dagiti otoridad iti pammaltog a napasamak idi alas dose kwarenta y singko ti parbangon ti March 9 idiay Sitio Agdamay, Budac, Tayum, Abra a ti biktima ket ni Frederick Tadeo Guian nga agtawen iti uppat a pulo ket maysa, maysa a construction worker nga agnaed idiay Poblacion, Tayum, Abra.
Nakalugan iti motorsiklo ti biktima a naggapu iti natayan iti nasao a lugar ket napan gimmatang iti arak ket idi agsublin, adda dagiti nakamotorsiklo met laeng a nangsurot kenkuana a nangpalto-paltog kenkuana iti mamitlo a daras ta adda ti 3 a basyo ti caliber 45 a nakapasamakan iti insidente.
Tallo a tama iti naduma-duma a paset iti bagi ti sinagaba ti biktima nga ita ket matamtaming idiay Abra Provincial Hospital.
