VIGAN CITY – Panagannad iti kasapulan tapnu saan a maisagmak iti lugar a pagtrabahoan, dayta iti bugas iti panagsarita ni Police Lt. Roland Villaluz, hepe ti San Vicente municipal police station, idi kinumpirmaran na a natay ni Lauriano Castro nga agtawen ti uppat a pulo ket walo, naasawaan ken agnaed idiay Napo, Magsingal ta nakuryente bayat iti panagtrabaho na idiay Pudoc Sur, San Vicente.
Segun kenni Villaluz, insigida da a nagresponde idi nakaawat da iti report nga adda iti nakuryente idiay Pudoc Sur ket isuda pay laeng iti nangitaray ken ni Castro idiay Ilocos Sur Provincial Hospital – Gabriela Silang.
Pimmutok iti ima, saka ken rupa ti biktima idi nakuryente ta iyakar na iti scaffolding ti landok nga ayan na ket nasagid na iti wire iti kuryente a poon iti nakakuryentean na.
Saan nga insigida a nadlaw dagiti kakadua na iti napasamak agingga a natnag manipud iti kangato a sangapulo ket tallo a kadapan.
Nasayaat pay laengiti kasasaad ti biktima idi agsapa idi kalman idi naitaray iti ospital ta na-contact na pay laeng iti pamilia na ken nasungbatanna pay laeng dagiti saludsod dagiti pulis ngem ti kamaleman nan ket natayen.
