VIGAN CITY – Walo a heat sealed transparent plastic sachet a naglaon iti mapapati a shabu nga aggatad ti sangapulo ribo a pisos, maysa a cellphone ken lima gasut a pisos a buy-bust money iti naala dagiti otoridad a nangiwayat iti anti-illegal drugs buy-bust operation idiay Barangay Bigbiga, Santiago idi alas dos y media iti malem idi kalman, January 26.
Ti nasao nga operasyon ket nakakemmegan ni Rene Rafanan Gorospe nga agtawen ti dua pulo ket siyam, construction worker nga agnaed idiay Barangay Banuar, San Juan.
Maysa a heat sealed transparent plastic sachet a naglaon iti mapapati a shabu iti nagserbi a buy-bust item idinto a ti pito a sabali pay ket ikot na.
Ti agdama, ti suspek ket ikoten ti Santiago PNP ket maisagsaganan iti kaso a maipila kontra kenkuana.
