VIGAN CITY- Kinemmeg dagiti pannakabagi ti linteg ni Jayson Neils Bolaños, construction worker ken taga-Rugsuan, Vigan City ta mapapati a nagtakaw iti syam a bag ti semento.
Immuna iti dayta ket nagreport idiay Vigan City police station ni Engr. Alan Ablog, agtawen ti dwa pulo ket innem ken taga Mindoro, Vigan City , gapu ta natakaw dagiti tallo pulo ket lima a piraso ti max plus cement nga aggatad ti innen a ribo syam a gasut a pisos ken tallo gasut pito pulo ket lima a piraso ti corrogated 16mm nga aggatad ti nasurok dwa pulo ket pito a ribo a pisos idiay riverside ti Barangay Raois, Vigan City.
Gapu iti dayta ket nangisayangkat ti hot pursuit operation dagiti otoridad ket narekobre da dagiti syam a bag ti semento idiay Barangay Rugsuanan ket nakemmeg ni Bolaños nga isu ti mapapati a nangala kadagiti nasao a construction materials.
