VIGAN CITY – Maysa a construction worker iti nabagkong idiay Brgy. San Juan, Sta. Lucia idi rabii iti oras ti alas onse baente.
Iti pannaki-uman ti Bombo Radyo Vigan ken ni PLt. Albert Lucero nga OIC iti Sta. Lucia Municipal Police Station, bayat ti panagpatrol dagiti pannakabagi ti linteg ket napansinda iti maysa a motorsiklo iti igid ti kalsada isu nga immasidegda ket nanggegda iti saan nga adayo unay nga adda iti aglalaaw isu nga inasitganda.
Segun ken ni Lucero, nakitada iti uneg ti compound ni Yasser Mocsir, agtawen ti tallopulo ket siam, construction worker nga agnaed idiay San Roque, Quezon City ngem agnanaed iti agdama idiay Brgy. San Juan, Sta. Lucia a nagpaarayat ta nagsagaba iti dunor iti ima ken likod ta dinangran ni Roger Albareto, agtawen ti uppat a pulo ket pito, naasawaan, construction worker nga agnaed idiay Tonsuya, Malabon City ngem agnaed met laeng idiay Brgy. San Juan, Sta Lucia babaen iti panangbagkongna.
Babaen iti panangipakammo dagiti kakadua ti biktima a nagturong iti laud a direksyon ti suspek ket kinemmeg dagiti pannakabagi ti linteg.
Innayon ni Lucero a ti rason iti nangdangran ti suspek iti biktima ket maipapan iti sweldo a maaw-awat ti biktima ta mapapati nga al-allilawenna.
Iti agdama, agpapalaingen ti biktima a naipan iti Candon City Hospital.
