--Ads--
VIGAN CITY – Natay ti maysa a construction worker ta natupakan ti ulona iti pundasyon ti poste iti pagkalkalianna ti masimsimpa a pasdek iti BFP iti Jose Singson Street, Brgy VII, Vigan City.
Ti pimmusay ket nabigbig a ni John John Galide Tolosa, agtawen ti sangapulo ket siam, baro nga agnaed idiay Talogtog, Candon City ngem agtaltalinaed iti Brgy. VII, Vigan City.
Segun ti katrabahoanna a ni Ronald Locquiao Edelron ken Jose Cortigera Escobar, di napasamak iti aksidente ket nagpatulongda nga insigida kadagiti kameng ti BFP ken CDRRMO tapno maala isuna iti pagkalkalaianda.
Naipan iti Ilocos Sur provincial Hospital Gabriela Silang, Tamag, Vigan City ngem naideklarar a dead on arrival.
-- ADVERTISEMENT --
