Nagturong iti nadara nga insidente ti panagriri dagiti agkabsat kalpasan ti panangipasardeng ti maysa kadakuada ti videoke session idiay Barangay Salvador 1st, Candon City, Ilocos Sur.
Ti biktima ket lalaki nga agtawen iti tallopulo ket innem, construction worker, agnaed iti nasao a barangay.
Ti met suspek ket ti kabsat ti biktima, agtawen iti uppat a pulo ket lima, maysa met laeng a construction worker, agnaed iti nasao a barangay.
Nagturong ti biktima iti pagtaengan ti kabsatna a karrubana laeng tapno ipatang nga isardengna ti videoke.
Rimsua ti nabara a patangan dagiti dua agingga a naaddanda iti komosyon.
Kabayatan ti pasamak, binagkong ti suspek ti biktima iti nadumaduma a paset ti bagina babaen iti inaramatna a tari ti manok.
Gapu dayta, nagsagaba ti biktima iti dunor iti pammagkong ket naitaray iti ospital para iti pannakatamingna.
Agtultuloy a sapsapulen dagiti pannakabagi ti linteg ti armas nga inaramat ti suspek iti pammagkong kasta metten ti pannakaimbestigar ti pasamak.
