Nadunor ti nagmaneho ti traysikel kalpasan a nasagid ti van a nag-overtake kaniana idiay along national highway sakupen ti Barangay Bulag, ili ti Bantay.
Ti nagmaneho ti Toyota Hi-ace van ket agtawen ti duapulo ket dua, naasawaan ken residente ti Barangay Baoyan, Abra.
Ti met nagmaneho ti traysikel ket agtawen ti limapulo ket siam, construction ken residente ti Barangay Taleb, ili ti Bantay.
Iti pannakiuman ti Bombo Radyo Vigan ken ni PLT Andre Ponce ti Bantay Municipal Police Station, agpada nga agpapa-amianan a direksion dagiti dua a lugan.
Nag-overtake iti outer lane ti van ket idi nadanonda ti nakapasamakan ti insidente, nasagid ti van ti side wheel ti traysikel a sumrek kuma iti inner lane.
Nagsagaba ti dunor ti drayber ti traysikel gapu ti pannaka-baliktad ti luganna a naipan iti balay pagagasan para ti naan-anay a pannakatamingna idinto a saan a naan-ano ti nagmaneho ti van.
