VIGAN CITY – Naipilan idi June 20 ti kaso a panaglabsing ti Republic Act 10591 kontra ken ni Willy Gandalera Bautista nga agtawen iti tallo pulo ket pito, baro, construction worker ken agnaed idiay Sitio Apdo, Barangay Lintic, Banayoyo a naipakatan iti search warrant idi alas sais iti agsapa idi June 20 kas pinasingkedan ni Police Lt. Minerva Rabang a hepe ti Banayoyo municipal police station.
Ti nasao nga operasyon, naala dagiti otoridad iti uneg iti pagtaengan ti suspek iti maysa a caliber 38 revolver nga awan serial number na ken awan markings na, sangapulo ket dua a bala ti nasao a paltog ken brown sling bag nga adda marka na a Yuan Fan VIP.
Ti search warrant ti suspek ket inparuwar ni Hon. Judge Edwin Macaraeg ti Municipal Circuit Trial Court Banayoyo- Lidlidda- San Emilio idi June 18 iti agdama a tawen.
Innayon ni Rabang a ti suspek ket kanayon nga ireklamo dagiti kalugaranna ta nu mabartek ket iparang-parang na iti paltog na kadakuada
