VIGAN CITY – Nanayunan pay ti pito a baro a covid-19 case iti Ilocos Sur isu ga umaboten ti 5,775 iti confirmed case.
Dagiti baro a kaso ket manipod ti siudad ti Vigan ken ili ti San Vicente.
Innem ti nairekord iti Vigan ta tallo manipod Brgy. Bulala idinto a saggaysa manipod Brgy. Pantay Fatima, Rugsuanan ken Cabaroan Laud.
Ti kakaisuna a nainayon ti ili ti San Vicente a nagtaud ti Brgy. Lubong ket maysa a uniformed personnel nga agtawen ti uppat a pulo ket dua.
Iti agdama, walogasut innem a pulo iti aktibo a kaso, 4,796 iti nalaingan ta nanayunan ti uppat a pulo ket dua ken sangagasut sangapulo ket walo iti pimmusay.
Nupay kasta ket agtultuloy ti panagpalagip ti provincial government kadagiti umili ti panagannad ken panangsurot iti health protocols tapno maliklikan ti panawaras iti covid-19 kasta payen ti variants of concern iti virus.
