Nagballaag ti kadakkelan a producer ti condom iti lubong a posible a ngumato iti 20 percent agingga 30 percent ti presio ti condom gapu iti agtultuloy nga epekto ti Iran war iti supply chain ken produksion.
Segun iti kompania a Karex, nga agar-aramid iti nasurok 5 bilion a condom iti kada tawen ken supplier dagiti mabigbigbig a brand, mariknadan ti ingingina ti gastos iti produksion ken panagbuntog ti distribution.
Pinasingkedan ni Karex CEO Goh Miah Kiat a fragile ti sitwasion ken awan ti maaramidanda no ipasa kadagiti customer ti nayon a gastos.
Ngimmato pay iti nasurok-kumurang 30 percent ti demand iti condom ita a tawen, ngem marigrigatan ti supply gapu iti ingingina ti freight costs ken shipping delays.
Gapu dayta, nabumbuntog ti delivery ti produkto kadagiti pagilian iti Europe ken United States nga umab-abot iti nakurang 2 a bulan sipud iti dati a maysa laeng a bulan.
