VIGAN CITY – Balligi ti pannakaisayangkat ti committee hearing para iti naun-uneg nga imbestigasyon ti napasamak a panagtakawan ti maysa a business establishment, nangruna ti 2 Brothers’ Grocery ditoy siudad ken pannakauram ti maysa a lugan idi December 26, 2019.
Ti naisayangkat a taripnong nga inatendaran dagiti maseknan nga ahensia ken opisial kas kadagiti miyembro ti sangguniang panlalawigan, Vigan City Police Station, intelligence branch ti PNP, adda ti resolusyon nga inyetnag ni Sangguniang Panlalawigan Member Efren Rafanan tapnu maimbestigaran dagiti gwardya a nagbantay iti nasao nga establisimento tapno mailawlawag no ania iti pudno a napasamak.
Dinillaw ni Vice Governor Jerry Singson nu apay a nagdaras a natakawan iti nasao nga establisyimento uray nu adda dagiti CCTV a nakaimuntar ken nu apay a saan a nainget iti pannakabantay iti syudad nga isu iti rason nu apay a nalaka a nakastrek dagiti agtatakaw.
Kabayatanna, pinasingkedan ni Police Lt. Col. Fidel Junio a kalpasan ti napasamak a panagtakawan ket tinutukan dan iti panagbantay iti area of responsibility da ta saan da a kayaten a maulit iti napasamak.
Mangbukbukel dan iti security plan kalpasan ti committee hearing inaig iti nasao nga insidente ket nadakamat na a mabaliwan ti deployment dagiti kakaduana agsipud ta addan iti mapan agbantay kadagiti pagpasiaran ditoy siudad a pagdudupudupan dagiti adu a tao tapnu masigurado iti kappia, linak ken talna ditoy syudad.
Aklunen dagiti pannakabagi ti linteg ti pammabalaw kadakuada ti publiko no apay a saanda a natignayan nga insigida ti nasao a banag ngem kiniddaw ni Junio a saan a maawanan dagiti umili ti talek kadakuada ta ar-aramidenda ti amin a kabaelanda para iti pagsayaatan ti amin ken tapno mabigbigen dagiti nagtatakaw.
