Pinasingkedan ni Commission on Human Rights (CHR) Chairperson Richard Palpal-Latoc iti hearing ti House Committee on Appropriations, nga imimbestigaranda no adda panaglabsing iti human rights iti insayangkat nga operasyon ti PNP iti compound ti Kingdom of Jesus Christ (KOJC).
Dayta ken kalpasan a dinamag ni Sagip party-list Representative Rodante Marcoleta kenni Commission on Human Rights (CHR) Chairperson Richard Palpal-Latoc no adda napasamak a human rights violation.
Inyunay-unay ni Palpal-Latoc nga adda tallo nga inbaonda nga imbestigador tapno mangted iti balakad iti pulisya mainaig iti operasyon nga ar-aramiden da kontra kenni Pastor Quiboloy.
Ngem no pay kasta, para kenni Marcoleta, ti imbestigasion ken monitoring nga ar-aramiden ti CHR iti sitwasyon ket saan nga umdas.
