VIGAN CITY-Binalaagan ti Commisison on Filipino Overseas dagiti kayat na ti agtrabaho idiay ballasiw taaw kontra kadagiti illegal recruiters nangruna dagiti agbara-barangay ken dagiti makita iti social media.
Segun kenni John Nichols Ruelos , maibilang nga iligal ti maysa a recruiter a mangaramid ti transaksyon iti ruar imbes nga iti opisina , agsingir ti nangina a placement fee ken awan ti resibo nga ited kadagiti mabayadan , saan a working visa ken iligal da no agikari da kadagiti san a nakapappapati a benepisyo kas iti nangato a sweldo.
Gapu iti dayta ket inbalakad ni Ruelos a nasaysayaat a paneknekan no lisensyado a recruitmet agency iti pagaplayan da idiay Philippine Overseas Employment Administration (POEA).
Kas paset ti adbokasiya ti Commission on Filipinos Overseas a maiyadayo iti illegal recruiters dagiti umili ket mangisayangkat da ti symposium idiay University of Nothern Philippines (UNP) ken St. Paul College of Ilocos Sur (SPCIS) inton Nobiembre 20.
