Insigida a naikkat iti puesto ti station commander ti Malate Police kasaruno iti mapapati a robbery a nakairamanan iti innem a pulis iti Manila idiay Makati City.
Naikkat amin a miembro ti Station Drug Enforcement Unit iti nasao a police station.
Segun ken ni NCRPO Director MGen. Anthony Aberin, dumalanda iti agsasaruno nga imbestigasyon tapno maammoan iti posible a dusada.
Saan nga agdudua ti kapulisan nga ikkaten dgiti pulis a karaman iti nasao a krimen no mapaneknekan a nagbasoilda ta siguradoenda a mapilaanda iti kaso ken maibalud.
Iti agdama ket nakaibalud iti innem pay pulis ken sumangsangoda iti agtutuon a kaso.
Idi January 28 idi inreklamo dagiti tallo a tattao nga indibidual dagiti innem a mapapati a nag-hold up kadakuada idiay Barangay San Isidro, Makati City.
Iti hot pursuit operation iti PNP ket nakemmeg dagiti suspek a nakaduktalan a dagitoy ket pulis.
