VIGAN CITY – “Gagangay laeng itattan dagita a pasamak” dayta man ti inbaga ni Alliance of Concerned Teachers Representative Antonio Tinio inaig iti agwarwaras nga isyu idiay Bacoor National High School ta panagbalin a faculty room daagiti mangisursuro ti comfort room iti pagadalan ken sirok iti agdan ta dagiti sigud a faculty room dagiti mangisursuro ket nagbalin a classroom.
Ti pannaki-uman ti Bombo Radyo Vigan Ken ni Rep. Antonio Tinio,naibaga na a dagiti nasao a sitwasyon wennu kasasaad dagiti pagadalan ket mapaspasamak kadagiti dadakkel iti populasyon na isu a saanen a nakaskasdaaw .
Segun ken ni Tinio, saan a nainkalintegan ti sungbat ti Department of Education iti nasao nga isyu ta kinuna ni Sec. Leonor Briones nga agpapapansin laeng dagiti mangisursuro wennu pinakaro da laeng ti sitwasyon.
Nu man pay kasta , kinuna ti agpanpanday linteg a saan a naimposoan iti addang nga inyulog ti DepEd tapnu maresolba ti nasao nga isyu ken imbes a ti problema ti umuna a solusyonan da, inun-una da a binutbuteng ni Maricel Herera a nangipost kadagiti ladawan a banag a saan koma a rumbeng nga aramiden dagiti nangato nga opisyal ti ahensya ta masapul nga agimbestigar da nga umuna kuma.
