Pinasingkedan ti Commission on Elections a targetda a leppasen ti panagimprenta iti balota para iti National and Local Elections 2025 inton April 14 iti baet dagiti naglabas a pannakataktakna.
Dayta ket tapno mairugin ti panagiwaras iti balota kadagiti polling precincts iti intero a pagilian iti husto nga oras para iti May 12 midterm elections, segun ken ni Comelec Chairman George Garcia.
Ita nga aldaw, naituloy ti pannakayimprenta kadagiti official ballot para iti May 2025 National and Local Elections, ta targetda a makaaramid iti 1.5 million a balota kada aldaw tapno maabot ti deadline.
Innayon ni Garcia nga aramatenda ti innem a makina tapno mayimprenta ti pitopulo ket tallo a milion a balota para iti midterm elections kasaruno iti tallo a lawas a pannakaitantanna.
