--Ads--
Sagsaganaanen ti Commission on Elections ti pannakaisayangkat ti Parliamentary Elections iti Bangsamoro Autonomous Region in Muslim Mindanao inton Oktubre.
Nagtaripnong ita nga aldaw ti Regional Director, Provincial Election Supervisors ken ti field personnel ti Comelec iti BARMM tapno maplano ti pannakaisayangkat ti eleksyon.
Segun ken ni Comelec Chairman George Garcia, karaman iti napagpatangan ti kinaranggas agraman dagiti parikut iti naglabas a midterm elections.
Posible a maikabil ti ad-adu nga Starlink wenno satellite connection para iti transmission ti botos gapu iti rigat a napasaran kalpasan ti panagpipili idi Mayo 12.
-- ADVERTISEMENT --
